Aýyr jaraqattanǵan Erkebulan Seıdahmetke Mıýnhende sátti ota jasaldy
ASTANA. QazAqparat - Qazaqstan quramasynyń shabýylshysy Erkebulan Seıdahmetke Mıýnhendegi (Germanııa) Schön klınıkasynda sátti ota jasaldy, dep habarlaıdy Sports.kz.
Bul týraly 18 jastaǵy fýtbolshy Instagram-da jazyp, aýrýhanadaǵy sýretin jarııalady. «Bári jaqsy! Qazir ǵana oıandym», - dep jazdy Erkosh.
Budan buryn Qazaqstan quramasynyń bas bapkeri Stanımır Stoılov Seıdahmettiń jattyǵý kezinde qatty jaraqat alyp, úsh aı boıy jattyǵa almaıtynyn habarlaǵan edi.
Bıyl Erkebulan Ulttar lıgasynyń tórt matchyna qatysyp, bir ret gol saldy jáne bir ret sátti dop berdi. Ol klýbtyq deńgeıde reseılik «Ýfada» eki ret oınady.
