Aýyr sómke oqýshynyń densaýlyǵyna qanshalyqty zııan
NUR-SULTAN. QazAqparat – Nur-Sultan qalasynyń taýarlar men kórsetiletin qyzmetterdiń sapasy jáne qaýipsizdigin baqylaý departamentiniń mamandary astana mektepterinde oqýshylar sómkesiniń salmaǵyn ólshep júr.
Vedomstvonyń ózi QR Densaýlyq saqtaý mınıstrligine osyndaı usynys bildirgen, dep habarlaıdy QazAqparat.
Departament basshysy Sádýaqas Baıǵabylovtyń sózine qaraǵanda, aýyr sómke oqýshylardyń belin aýyrtyp, búkir qylýdan bólek, kıfoz, lordoz sııaqty aýrýlarǵa shaldyqtyrýy, tipti balalardyń tirek-qımyl apparatyna zardabyn tıgizýi múmkin.
S. Baıǵabylov aǵzasy, qańqa-bulshyq et júıesi endi ǵana qalyptasyp kele jatqan jeti jasar balalardyń densaýlyǵyna alańdaýly.
Onyń aıtýynsha, oqýlyq toly sómkeniń salmaǵy tórt, keıde bes kılogramǵa deıin jetedi. Sondyqtan oqýshy sómkesine qoıylatyn talaptardy qaıta qarap, mektepterdiń tekserý paraǵyna qosymsha tarmaq engizý qajet.
Departament basshysy qazirdiń ózinde gıgıenalyq talaptardyń buzylýyna aıyppul salynatynyn eskertti. Aıta keteıik, mundaı aıyppuldyń mólsheri 500 myń teńgeden asyp túsedi.
