Aýyr salmaqtaǵy nokaýter Ivan Dychkonyń kelesi jekpe-jegi qashan ótetini belgili boldy

NUR-SULTAN. QazAqparat - Qazaqstandyq boksshy Ivan Dychkonyń (9-0, 9 KO) menedjeri Zııa Álıev boksshynyń rıngke qashan oralýdy josparlap otyrǵanyn aıtty. Bul týraly QazAqparat Sport.kz-ke silteme jasap habarlaıdy.

«Vanıa óziniń kelesi jekpe-jegin 10-shy shildede Almatyda ótkizedi dep josparlap otyrmyz. Onyń qaıtyp oralýy úshin, ádettegideı jekpe-jek ótkizip, tamyz aıyna basqa jerde uıymdastyramyz», - dedi Álıev.

Ivan Dychko óziniń aldyńǵy jekpe-jegin 2019 jyldyń shildesinde ótkizgen edi. Ol amerıkalyq boksshy Neıt Hevendi (9-3, 7 KO) ekinshi raýndta nokaýtqa túsirip, sodan beri rıngke shyqpady.

Aıta keteıik, 30 jastaǵy qazaqstandyq aýyr salmaqtaǵy boksshy 2017 jyly kásibı mansabyn bastady jáne toǵyz jekpe-jekte nokaýtpen jeńiske jetti.