Aýyr salmaqtaǵy qazaqstandyq nokaýtshy tıtýl úshin 45 jastaǵy amerıkalyqpen aıqasady
NUR-SULTAN. QazAqparat – Birde bir ret jeńilmegen qazaqstandyq birinshi aýyr salmaqtaǵy boksshy, «Panda» esimimen belgili Serik Musádilov (9-0, 9 KO) 9 shilde kúni Maıamıde (AQSh, Florıda shtaty) rıngke oralýǵa josparlap otyr, dep habarlaıdy QazAqparat Sports.kz saıtyna silteme jasap.
BoxRec.com aqparatynsha, 26 jastaǵy Musádilovtiń qarsylasy Amerıkanyń 45 jastaǵy boksshysy Rýel Ýılıams (8-1, 3 KO). Jekpe-jekte jeńiske jetken sportshy NABA-nyń krýzerveıttegi chempıony ataǵyna ıe bolady. Jekpe-jek segiz raýndtqa eseptelgen.
Serik Musádilov buǵan deıin 22 mamyrda Florıda shtatynyń Medlı qalasynda judyryqtasyp, birinshi raýndta amerıkandyq Kevın Braýndy (2-15, 1 KO) nokaýtqa jiberdi. Bul onyń toǵyzynshy ret ýaqytynan erte aıaqtaǵan jekpe-jegi boldy.
