Aýyr salmaqtaǵy qazaqstandyq boksshy qarsylasyn birinshi raýndta nokaýtqa jiberdi
ALMATY. QazAqparat – Almatyda ótken boks keshinde chempıondyq ataq úshin kezdesý ótip, onda qazaqstandyq boksshy Edil Qojamberdıev (10-2, 10 KO) túrik Hamza Gıýneshke (6-0, 4 KO) qarsy shyqty, dep habarlaıdy QazAqparat Sports.kz saıtyna silteme jasap.
Aýyr salmaqtaǵy alǵashqy kezdesý 10 raýndqa eseptelgen bolatyn. Boksshylar krýzerveıttegi UBO Inter-Continental chempıony beldigi úshin baq synasty. Jekpe-jek qorytyndysy boıynsha Edil Qojamberdıev birinshi raýndta qarsylasyn nokaýtqa jiberip, jeńiske jetti. Gıýnesh birinshi raýndta eki ret nokdaýn aldy.
Osylaısha, Edil Qojamberdıev óziniń bokstaǵy karerasynda 11-shi ret jeńiske jetip (11 kezdesýdi de nokaýtpen jeńdi), ekinshi dárejedegi chempıondyq beldikti jeńip aldy. Al Hamza Gıýnesh kásibı boksta alǵash ret jeńildi.
