Aýyr salmaqtaǵy qazaqstandyq boksshy AQSh-ta tıtýl úshin aıqasta jeńiske jetti

NUR-SULTAN. QazAqparat – «Panda» degen laqap aty bar qazaqstandyq boksshy Serik Musadilov (9-0, 9 KO) Maıamıde boks keshinde óner kórsetti, dep habarlaıdy QazAqparat tilshisi Sports.kz saıtyna silteme jasap.

Keshte qazaqstandyq jigit aýyr salmaqtaǵy amerıkalyq boksshy Lamont Keıperspen (10-14-5, 2 KO) aıqasty. Aýyr salmaqtaǵy alǵashqy jekpe-jek segiz raýndqa josparlanǵan edi, tóreshilerdiń sheshimimen qazaqstandyq jeńiske jetti.

Osylaısha, Serik Musadilov kásibı rıngtegi onynshy jeńisine qol jetkizdi, biraq alǵash ret aıqasty ýaqytynan erte bitire aldy.

Aıta keteıik, bul jeńis qazaqstandyqqa krýzerveıttegi NABA chempıonynyń bos tıtýlyn áperdi.