Aýyr naýqastardy shetelde emdetýge memleketten 1,6 mlrd teńge bólindi
Mınıstrliktiń habarlaýynsha, QR bıýdjeti esebinen patsıentterdi shetelge emdeýge jiberý týraly respýblıkalyq densaýlyq saqtaý uıymdarynan jyl basynan beri 68 naýqasqa qorytyndy kelip túsken.
«Qazaqstan azamattaryn bıýdjet qarajaty esebinen sheteldik medıtsınalyq uıymdarǵa emdeýge jiberý máselesin komıssııa sheshedi. Ol komıssııanyń quramynda ýákiletti organnyń ókilderi, arnaıy mamandandyrylǵan dárigerler, úkimettik emes uıymdardyń músheleri kiredi», - dep jaýap berdi «QazAqparat» HAA tilshisiniń resmı saýalyna mınıstrliktiń Medıtsınalyq kómekti uıymdastyrý departamentiniń dırektory Laýra Ahmetnııazova.
Departament dırektorynyń jaýabyna sáıkes, 2018 jyly bıýdjet qarajaty esebinen Qazaqstan azamattaryn shetelge emdeýge jiberý úshin 1,6 mlrd teńge bólingen (2017 jyly - 1,59 mlrd teńge).
«2017 jyly bıýdjet qarajaty esebinen shetelde emdelýdi qajet etetin 58 patsıent joldanǵanyn habarlaımyz. Biz álemniń Túrkııa, Úndistan, Reseı, Ońtústik Koreıa, Germanııa elderiniń aldyńǵy qatarly eń ozyq klınıkalarymen jumys isteımiz», - delingen jaýapta.
Aıta ketsek, shetelge emdelýge joldanǵan patsıenttiń shyǵyndary bıýdjet qarajaty esebinen óteledi.
Foto: www.herts.ac.uk