Aýyr naýqastanǵan shymkenttik qyz Astanada qaıtys boldy
ShYMKENT. QazAqparat - Aýyr dertpen bes jyl kúresken shymkenttik on jastaǵy Laýra Saǵatova qaıtys boldy, dep habarlaıdy QazAqparat tilshisi.
Qyzdyń anasy Aınagúl Eltaevanyń aıtýynsha, Shymkenttegi qalalyq balalar aýrýhanasynyń jansaqtaý bóliminde jatqan qyz ótken kúni komaǵa túsken. Keshe kózin ashqanmen tym álsiz bolǵan. Tús qaıta Shymkentke Astanadan sanavıatsııa ushaǵy jetken.
«Keshke qaraı bizdi Astanadaǵy Ana men bala ortalyǵyna alyp ketti. Jetken boıda qyzymdy jansaqtaý bólimine jatqyzdy. Búgin tańǵy 8-de onyń kóz jumǵanyn aıtty. Dárigerlerdiń aıtýynsha, artyq mazalamaı, Shymkentte qaldyra bergende durys bolýshy edi. Ushaqpen beker ushtyq», - deıdi Aınagúl Eltaeva.
Qazir máıitti Shymkentke qaıtarý máselesi qarastyrylyp jatyr.
Eske sala keteıik, qyz beske tolǵanda asqa zaýqy bolmaı, aryqtaı bastaǵan, 10 jasynda qyzdyń salmaǵy nebári 11 kg edi. Ony emdeýge naqty dıagnozdyń bolmaýy da kedergi jasaǵan. Kezinde tashkenttik dárigerler naýqasqa tuqym qýalaıtyn mıtohondrıalnaıa entsefalomıopatııa dıagnozyn qoıǵanymen, qazaqstandyq dárigerler ony rastamaǵan.
Balalar ombýdsmeni Zaǵıpa Balıeva kómekke kelgen soń qyzdyń otbasynda ony shetelde emdeý múmkindigi týdy. Ókinishke qaraı, qyzdyń anasy Ońtústik Koreıaǵa qujat jınaı bastaǵan kezde Laýranyń jaǵdaıy kúrt nasharlap, 21 aqpanda jansaqtaý bólimine jatqyzylǵan.
Foto: gorod55.ru
