Aýyr dertke shaldyqqan 3 jasar búldirshin Germanııada emdeledi

QOSTANAI. QazAqparat - Sırek kezdesetin dertke shaldyqqan qostanaılyq 3 jasar sábıdiń emdelýine qarjy jınaldy, dep habarlaıdy QazAqparat tilshisi.

Dárigerler Fedorov aýdanynyń 3 jasar turǵyny Arýjan Nurjanovaǵa sarkoma obyry (aǵza jasýshalarynda ósetin qaterli isik) dıagnozyn qoıdy. Balany aman alyp qalý úshin Germanııada ota jasaý kerek. Emdeý quny - 95 000 evro.

Anasy Rýslana Nurjanovanyń aıtýynsha, Arýjan qazir Astanada hımııaterapııadan ótip jatyr.

«Bir aıdyń ishinde 70 000 evro jınaldy. Keshe Germanııanyń Nerz for Kinder atty qaıyrymdylyq qory bizdiń esepshotymyzǵa 18 000 evro aýdardy. Endi barlyq qarjy jetkilikti. Búgin Mıýnhenge ushamyz. Qyzymyz úshin qaıyrymdylyq sharalaryn ótkizgen jandarǵa, tilshiler qaýymyna alǵysymyz sheksiz», - dep habarlady Rýslana Batyrbekqyzy «QazAqparat» tilshisine.

Eske salsaq , Arýjandy qutqarý úshin qostanaılyq «Tobyl» fýtbol klýbynyń oıynshylary jeıdelerin satty.

Sondaı-aq, oblystyq Maral ıshan meshitindegi qaıyrymdylyq jármeńkesinen 1 mılıon teńgeden astam qarajat jınaldy.