Aýyr atletterimiz qyzý tartysty saǵynyp qaldy - Bas bapker ÁCh jaıly
ASTANA. QazAqparat - Aýyr atletıkadan Qazaqstan ulttyq quramasynyń bas bapkeri ıÝrıı Melnıkov Ashhabadta 1 qarashada bastalatyn Álem chempıonaty aldynda josparlarymen bólisti, dep habarlaıdy QazAqparat tilshisi.
«Búgin Álem Chempıonatynyń fınaldyq ótinimderi kelip tústi. Endi osyǵan qarap, atalmysh starttaǵy báseke shamamen qalaı órbıtinin sezip otyrmyz. Álbette, ońaıǵa túspesi anyq! A jáne V toptaryndaǵy barlyq qarsylastar - tájirıbesi ushqyr saqa sportshylar», - deıdi ıÝrıı Melnıkov.
Bas bapkerdiń aıtýynsha, qazaqstandyq aýyr atletter bir jyl boıy jarystardan shettetilip, ketken esesin osy joly qaıtarýǵa baryn salady.
«Komandanyń aldyna qoıyp otyrǵan basty mindeti - barynsha laıyqty óner kórsetý. Shettetilgen bir jyldyń tekke ótpegenin dáleldeýimiz kerek. Biz osy jarysqa tynymsyz daıyndaldyq. Mine, sondyqtan laıyqty nátıjege qol jetkizemiz degen senimdemin. Medal sany jaǵynan ázirge eshteńe aıtqym kelmeıdi. Bárin pomost kórsetedi. Aýyr atletterimizdiń daıyndyǵy jaqsy. Sportshylarymyz qyzý aıqasty saǵynyp qaldy. Álbette, sol básekeli tartysqa osy Álem chempıonatynda kýá bolarymyz anyq», - deıdi ıÝrıı Melnıkov.
Eske sala ketsek, buǵan deıin Ashhabadta 2018 jyly aýyr atletıkadan ótetin álem chempıonatyna qatysatyn QR quramasynyń quramy belgili bolǵanyn habarlaǵan bolatynbyz. 1-10 qarasha aralyǵynda ótetin Álem chempıonaty 2020 jylǵy Olımpıada oıyndarynyń eń alǵashqy lıtsenzııalyq starty bolyp tabylady. Atalmysh jarysta Qazaqstannyń namysyn 20 aýyr atlet qorǵaıdy.
Sonymen qatar, búgin QR Aýyr atletıka federatsııasy el sportshylarynyń jarysqa shyǵý kestesin jarııalaǵan bolatyn.
