Aýyr atletter Qaraǵandydaǵy balalar úıleriniń tárbıelenýshilerin quttyqtady
ASTANA. QazAqparat - Serik Sápıev atyndaǵy Qaraǵandydaǵy Boksty damytý ortalyǵynda dástúrli jańajyldyq mereke ótti. Saltanatty sharaǵa Qaraǵandy oblysyndaǵy balalar úıleriniń tárbıelenýshileri men áleýmettik az qamtylǵan otbasylardyń balalary jáne múmkindigi shekteýli balalar qatysty, dep habarlaıdy sports.kz QR AAF-ǵa silteme jasap.
Balalalardy quttyqtap, jańa jyldyq bazarlyq taratýǵa Olımpıada chempıony Nıjat Rahımov, Rıonyń kúmis júldegeri Jazıra Japparqul, qola júldegeri Denıs Ýlanov jáne jasaóspirimder arasyndaǵy álem jáne Azııa chempıony Artem Antropov keldi.
Merekelik shara úsh kúnge sozylyp, 4-18 jas aralyǵyndaǵy myńnan artyq balaǵa jańajyldyq kóńil-kúı syılamaq. Qatysýshylardy syılyqtardan basqa ár-túrli oıyndar men merekelik túski as kútip tur.
