Aýyr atletshiler Z.Chınshanlo men M.Maneza Qytaı úshin jarysqa shyqpaıdy
ASTANA. 23 qazan. QazAqparat - Qazaqstannyń Aýyr atletıka federatsııasynyń bas hatshysy Meńdihan Tapsyr London Olımpıadasynyń chempıondary Zúlfııa Chınshanlo men Maııa Manezanyń qazaqstandyq quramadan ketýi týraly aqparatty rastamady, dep habarlaıdy Vesti.kz.
«Chınshanlo men Maneza Qytaıǵa demalýǵa ketti. Olardyń Qytaı úshin shyǵýy týraly sóz de bolmaýy tıis. Biz olardyń iri álemdik jarystarda elimizdiń atynan shyǵatynyna áli de senimdimiz. Ázirshe Chınshanlomen baılanys ustaýdamyz, kóp uzamaı Manezamen de baılanysqa shyǵýymyz kerek jáne sol kezde qytaılyq BAQ-ta osyndaı teris aqparat qaıdan shyqqanyn anyqtap kóremiz. Taǵy bir ret atap ótemin - Chınshanlo men Maneza aldaǵy ýaqytta da jarystarǵa bizdiń elimizdiń týynyń astynda shyǵady», - dedi telefon arqyly Meńdihan Tapsyr.
Esterińizge sala keteıik, Zúlfııa Chınshanlo men Maııa Maneza Londondaǵy HHH jazǵy Olımpıada oıyndarynda Qazaqstannyń quramasyna eki altyn medal ákeldi. Budan keıin kóp uzamaı Qytaıda sportshy qyzdardyń qazaqstandyq qurama úshin shyqqanyna narazylyq tolqyny ótti. Ǵalamtor qoldanýshylary qytaılyq sportshylardy basqa elderge jiberýge jaýapty sheneýnikterdi qyzmetten bosatýdy talap etti. Qazaqstandyq tarap Qytaıdyń BAQ-ta jarııalanǵan kadrlardy «satyp alý» boıynsha aıyptaryn negizsiz dep atady.
