Aýyr atletshi Zýlfııa Chınshanlo Qytaı azamatyna turmysqa shyqty
ASTANA. 3 qyrkúıek. QazAqparat - Eki dúrkin álem chempıony jáne Londondaǵy Olımpıada jeńimpazy jazdyń basynda turmysqa shyqty, dep habarlady Vesti.kz.
Chınshanlonyń sózine qaraǵanda, ol kúıeýimen burynnan tanys, aýyr atletıkamen aınalysýdy Qytaıda birge bastaǵan. Biraq ol qazir sportpen shuǵyldanbaıdy. Zýlfııanyń kúıeýi olımpıada boıy oǵan qoldaý kórsetip otyrǵan, ekeýi tek demalys kezinde kezdesip otyrǵan, basqa ýaqytta ınternet arqyly habarlasyp turǵan.
Chınshanlo Olımpıadada jeńiske jetkennen keıin, onyń bolashaq jubaıy Almatyǵa kelip, biraz ýaqyt ótkennen keıin, olar AHAJ-da nekelerin tirkegen. Sportshynyń óz sózine qaraǵanda, shańyraq kóterýlerine baılanysty olar úlken saltanat jasamaǵan, bul týraly birneshe adam ǵana habardar bolypty. Nekesin tirkegennen keıin de Chınshanlo óziniń otbasy qurǵanyn jarııalamaǵan. Ol ózinińotbasy tóńireginde aıtylatyn áńgimeni qalamaǵan, qazirdiń ózinde ol óziniń jubaıynyń esimin jasyrady.
Zýlfııa Chınshanlo birtindep jattyǵýǵa kiristi, tipti Polshadaǵy álem chempıonatyna daıyndyq ótip jatqan Tekelidegi jıynda quramamen birge jattyǵýǵa qatysty.
Eske sala ketsek, London olımpıadasynyń barlyq jeńimpazdary bir jyldyq demalys aldy jáne bıyl olar eshqandaı jarysqa qatyspaıdy. Aýyr atletshi qyzdarǵa ózderiniń jeke ómirlerine kóńil bólýge múkindik berildi jáne olar ony paıdalandy. Osy kóktemde shtangashy Maııa Maneza turmysqa shyqqan bolatyn, al birneshe apta buryn sportshy men onyń kúıeýi, aýyr atletshi Vıacheslav Ershov ekeýi uldy (Arsenıı) boldy. Shilde aıynyń basynda Olımpıada chempıony Svetlana Podobedova men aýyr atlektıkadan 2009 jylǵy álem chempıony Vladımır Sedov shańyraq kóterdi.
