Aýyr atletıkadan jasóspirimder arasyndaǵy álem chempıonatynda búgin eki qazaqstandyq shyǵady
NUR-SULTAN. QazAqparat - Grekııada ótip jatqan jasóspirimder arasyndaǵy aýyr atletıkadan álem chempıonatynda búgin eki qazaqstandyq sportshy saıysqa túsedi, dep habarlaıdy QazAqparat tilshisi.
Búgin, 5 mamyrda el namysyn 73 keli salmaqta A tobynda el quramasynan Petr Hrebtov men Alekseı Chýrkın qorǵaıdy.
Qurama sapynda Ekaterına Alıakına (55 keli), Aısamal Sansyzbaeva (87 keli), Petr Hrebtov (73 keli), Alekseı Chýrkın (73 keli), Denıs Polýboıarınov (81 keli), Egor Sherer (81 keli), Klım Basargın (89 keli) jáne Sultan Meıram (96 keli) saıysqa túsedi.
Álem chempıonaty 2-10 mamyr aralyǵynda Grekııanyń Iraklıon qalasynda ótedi. Onda el quramasynan segiz sportshy baq synaıdy.
Dúbirli doda 1975 jyldan beri turaqty túrde ótkizilip keledi.
