Aýyr atletıkadan ulttyq quramanyń bas bapkerleri taǵaıyndaldy
Qazaqstan aýyr atletıka federatsııasy málim etkenindeı, erlerdi Nurjan Smahanov, áıelderdi Ivan Sıvohın bastaǵan mamandar jattyqtyratyn boldy.
Budan buryn federatsııa Ulttyq olımpıada komıteti, sondaı-aq Mádenıet jáne sport mınıstrligimen kelise otyryp, Qazaqstan ulttyq quramasyn eki komandaǵa – erler men áıelderge bólip basqarý týraly sheshim qabyldaǵan bolatyn.
«Nurjan Dáýrenbekuly men Ivan Pavlovıchtiń ekeýi de – joǵary bilikti mamandar. Qurama komandada jumys tájirıbesi bar. Aldaǵy ýaqytta da nátıje shyǵaratynyna senemin. Komandalar bıylǵy alǵashqy oqý-jattyǵý jıynyna kiristi. Eldegi epıdemıologııalyq ahýaldyń nasharlaýyna baılanysty densaýlyq jaǵdaıymen barlyq sportshylar túgel qatysa almady. Degenmen 13 aqpanda bastalatyn ekinshi jıynǵa qos komanda da tolyq quramda keledi dep úmittenemiz», dedi federatsııanyń bas hatshysy Aldııar Nuralınov.
