Aýyr atletıkadan tórt dúrkin el chempıony Vladımır Sedov ómirden ótti

ASTANA. QazAqparat - Qazaqstandyq sportshy Vladımır Sedov 35 jasynda mezgilsiz qaıtys boldy. Qaraly habardy Qazaqstan aýyr atletıka federatsııasy jetkizdi, dep habarlaıdy QazAqparat.

«Keshe keshkisin tájirıbeli aýyr atlet Vladımır Sedov dúnıeden ótti. 2008 jylǵy Olımpıada qatysýshysy, Qazaqstannyń birneshe dúrkin chempıony jáne rekordsmeni Vladımır Sedov bala kezinen sportqa shyn berilgen jan edi. Erekshe jetistikteri úshin «Qurmet» ordenimen marapattalǵan. Aýyr atletıka federatsııasynyń ujymy Vladımırdiń otbasyna, týǵan-týystary men jaqyndaryna qaıǵysyna ortaqtasyp kóńil aıtady»,-dep jazady federatsııa Facebook paraqshasynda.

Vladımır Sedov 1988 jyly 2 naýryzda Úshtóbede dúnıege kelgen.

Sedovtar áýletinde tórt bala bar. Vladımır jastaıynan sportpen shuǵyldanǵan.

Aǵasy Sergeı Sedov jattyqtyrýshylyqpen aınalysady, Almaty oblysy aýyr atletıka federatsııasynyń jattyqtyrýshysy bolǵan. Qazir aýyr atletıkadan Qazaqstan erler quramasynyń bapkeri.

Vladımır Sedov Qazaqstan Respýblıkasynyń eńbek sińirgen sport sheberi, halyqaralyq dárejedegi sport sheberi edi.