Aýyr atletıkadan taǵy eki Qazaqstan chempıony belgili boldy
ASTANA. 27 mamyr. QazAqparat - Qyzylordalyq Ǵalymbek Jubatqanov pen almatylyq Kırıll Pavlov aýyr atletıkadan Qazaqstan chempıony atyndy, dep habarlady Vesti.kz.
77 kelige deıingi salmaq sanatynda Qyzylorda oblysynyń ókili barlyǵy 319 keli kóterip, «altyn» úshin kúreste óziniń básekelesterinen tórt keli ǵana alǵa shyqty. Ekinshi orynnyń taǵdyry basqasha sheshildi: Soltústik Qazaqstan oblysynan Aıdar Qazovtyń salmaǵy almatylyq Vladıslav Tsoıdan jeńil bolyp shyǵyp, ekinshi orynǵa ıe boldy. Eki ziltemirshi de birdeı nátıje kórsetti.
85 kelige deıingi salmaq sanatynda Azııa oıyndary-2010 kúmis júldegeri jáne Londondaǵy Olımpıada oıyndaryna qatysýshy Almatylyq Kırıll Pavlov talaı ret kúshtiler qatarynan kóringen bolatyn. Bul jolǵy básekelesi qaraǵandylyq Evgenıı Evstafev ońaı jańǵaq bolmaı shyqty, ol tájirıbeli qarsylasyna eki keli ǵana utylyp, jol berdi.
Erteń, 29 mamyrda chempıonattyń qorytyndy kúni. Boz kilemge 94 kelige deıingi, 105 kelidegi jáne 105 keliden astam salmaq sanatyndaǵy ziltemirshiler shyǵady. Áıelder óz baǵdarlamasyn jeksenbi kúni, 26 mamyrda aıaqtady. Eske sala keteıik, chempıonat qorytyndysymen Astanada 20-26 maýsym kúnderi ótetin Azııa birinshiligine qatysatyn qurama jasaqtalady
Aýyr atletıka. Qazaqstan chempıonaty. Taldyqorǵan.
Erler, 77 kelige deıin.
1. Ǵalymbek Jubatqanov (Qyzylorda oblysy) - 319 keli
2. Aıdar Qazov (Soltústik Qazaqstan oblysy) - 315 keli
3. Vladıslav Tsoı (Almaty) - 315 keli
85 keli:
1. Kırıll Pavlov (Almaty) - 357 keli (160+197)
2. Evgenıı Evstafev (Qaraǵandy) - 355 keli (160+195)
3. Erbol Meıirmanov (Aqmola oblysy) - 352 keli (167+185)
