Aýyr atletıkadan Reseı quramasy Rıo Olımpıadasynan shettetildi
ASTANA. QazAqparat - Halyqaralyq aýyr atletıka federatsııasy (IWF) Reseıdiń ziltemirshiler ulttyq quramasyn tutasymen Rıo Olımpıadasyna jibermeı tastady, dep habarlady «RIA Novostı» agenttigi.
Halyqaralyq Olımpıada Komıteti 24 shilde kúni Reseı quramasyn Olımpıada oıyndarynan shettemeý týraly sheshim qabyldaǵan bolatyn. Biraq, halyqaralyq sport federatsııalaryna óz sheshimin jasaýyna oryn qaldyrǵan. Osyǵan baılanysty IWF óz málimdemesin jasady.
«IWF atqarý komıteti Rıo Olımpıadasyna Reseı quramasynyń qatysýyna qatysty máseleni muqııat qarady. Zertteýge Halyqaralyq dopıngke qarsy agenttiktiń (WADA) Rıchard Maklaren jetekshilik etken táýelsiz komıssııasy daıyndaǵan baıandama qorytyndysy da endirildi. Tatıana Kashırına jáne Anastasııa Romanova buǵan deıin de shettetilgen bolatyn. Makleran baıandamasynda taǵy da 4 sportshynyń esimi bar», delingen federatsııa habarlamasynda.
