15:26, 18 Jeltoqsan 2019 | GMT +6
Aýyr atletıkadan olımpıadalyq daıarlaý ortalyǵynyń basshysy paramen ustaldy
ALMATY. QazAqparat - Aýyr atletıkadan olımpıadalyq daıarlaý ortalyǵynyń basshysy para aldy dep aıyptalýda, dep habarlaıdy QazAqparat Sybaılas jemqorlyqqa qarsy is-qımyl agenttigine silteme jasap.
Almaty qalasynyń sybaılas jemqorlyqqa qarsy qyzmeti Aýyr atletıkadan olımpıadalyq daıarlaý ortalyǵynyń basshysy men osy kásiporynnyń bas esepshisine qatysty para aldy degen kúdikpen sotqa deıingi tergeýdi bastady.
«Olar aldyn ala sóz baılasyp, Jambyl oblysynda oqý-jattyǵý jıynyn ótkizý boıynsha Memlekettik satyp alý týraly jasalǵan kelisimshartqa syıaqy retinde kásipkerden 6 mln 625 myń teńge kóleminde para aldy degen kúdikke ilindi» delingen habarlamada.
17 jeltoqsanda atalǵan tulǵalar ustalyp, qamaldy. Bultartpaý sharasyn tańdaý máselesi sheshilýde. Sotqa deıingi tergeý jalǵasýda.
Kúdiktilerge qatysty túpkilikti sheshimdi sot shyǵarady.
