Aýyr atletıkadan Olımpıada chempıony Svetlana Podobedova turmysqa shyqty
TALDYQORǴAN. 8 maýsym. QazAqparat - Taldyqorǵanda qazaqstandyq dańqty sportshy, aýyr atletıkadan Olımpıada chempıony Svetlana Podobedova men aýyr atletıkadan álem chempıony Vladımır Sedov nekelerin qıdy.
Sportshylar nekelerin Taldyqorǵandaǵy qalalyq AHAT bóliminde 7.07.2013 jyly qıdyrdy.
Jas jubaılardyń toılary Taldyqorǵandaǵy «Atameken» meıramhanasynda ótti. Toıǵa eki jastyń jaqyn týystary, dostary, áriptesteri qatysty. Sonymen qatar kúıeý jigittiń bapkeri Lazer Don, qalyńdyqtyń jattyqtyrýshysy Alekseı Nı, QR aýyr atletıkadan ulttyq qurama komandasynyń bapker-keńesshisi Enver Týrkelerı jáne oblystyq dene shynyqtyrý jáne sport basqarmasynyń mamandary shaqyrylǵan.
Aımaq basshysy Ańsar Musahanov óz kezeginde jas jubaılardyń bal aıynda saparǵa shyǵýy úshin 750 000 teńge tartý etti.
