Aýyr atletıkadan Qazaqstan ulttyq quramasynyń músheleri Almatyda daýys berýde
ALMATY. 3 sáýir. QazAqparat /Erlik Erjanuly/ - QR Aýyr atletıka federatsııanyń bas hatshysy Meńdihan Tápsirulynyń aıtýynsha, ulttyq qurama músheleri QR Prezıdentiniń kezekten tys saılaýynda Almatyda daýys berýde.
«Bizdiń sportshylar oqý-jattyǵý jıyny kezinde oǵan belsendi túrde qatysamyz dep sheshim qabyldaǵan bolatyn. Qazir ulttyq quramanyń barlyq úzdikteri Qajymuqan Muńaıtpasov atyndaǵy respýblıkalyq sport kolledjindegi saılaý ýchaskesinde óz tańdaýlaryn bildirýde. Olardyń Almas Óteshov, Sveta Podobedova, Maııa Maneza, Vladımır Sıdov, Vladımır Kýznetsov, Dáýren Sháýtıev jáne taǵy basqalar bar», - deıdi memlekettik jattyqtyrýshy M. Tápsir. Onyń sózine qaraǵanda, oǵan sál syrqattanyp qalýyna baılanysty Ilıa Ilın ǵana qatysa almaýy múmkin. Al ózge 20 sportshy túgeldeı qatysýda.
