Aýyr atletıkadan Qazaqstan quramasynyń qorjyny taǵy bir kúmis jáne qola medalmen tolyqty

Jeksenbi kúni, sáýirdiń 11-inde Tashkentte jasóspirimder men jastar arasynda ótip jatqan Azııa birinshiliginde qazaqstandyq sportshylar Jazıra Japarqul (69 kelige deıin) men Anna Nurmuhambetova (69 keliden joǵary) óner kórsetti. Tartysty báseke qorytyndysynda J. Japarqul julqı kóterýde - 88 keli jáne serpı kóterýde 108 keli salmaqty baǵyndyrdy. Óz kezeginde A. Nurmuhambetova julqyp kóterýde - 96 keli, serpı kóterýde 118 keli salmaqty eńserip, kúmis medalǵa ıe boldy.

Osy básekeniń birinshi kezeńiniń nátıjesinde Qazaqstan quramasynyń qorjyny bes medalmen, atap aıtqanda eki altyn, bir kúmis jáne eki qola medalmen tolyqty.

Seısenbi, sáýirdiń 13-inde sharshy alańǵa Azııa elderiniń jasóspirim jigitteri (1993 jylǵa deıin týǵan) ónerlerin ortaǵa salyp, júldeli oryndar úshin kúresedi. Qazaqstan sapynan segiz sportshy saıysqa túspek.