Aýyr atletıkadan Qazaqstan chempıonatynyń alǵashqy jeńimpazdary anyqtaldy
QYZYLORDA. QazAqparat - Qyzylorda oblysynda ótip jatqan aýyr atletıkadan el birinshiliginde alǵashqy jarys kúniniń jeńimpazdar anyqtaldy, dep habarlaıdy QazAqparat tilshisi.
Aıta ketsek, el birinshiligi erler men áıelder arasynda ótkizilýde. Jarys jekelegen jattyǵýlar boıynsha bolady.
Alty kún boıy sportshylar 20 salmaq boıynsha jeńimpazdardy anyqtaıdy. Atalǵan jarysta erler 55, 61, 67, 73, 81, 89, 96 keli salmaqta júldelerdi sarapqa salady. Al áıelder 45, 49, 55, 59, 67, 71, 76, 81, 87, 87 keliden joǵary salmaqta baq synaıdy.
Alǵashqy jarys kúninde áıelder arasynda 45 kelide Aleksandra Belenko chempıon atandy. Odan keıingi oryndardy jambyldyq Aınur Ábdihalyqova men Almaty oblysynan kelgen Alfııa Garıfýllına ózara bólisti.
Al áıelder arasynda 49 kelide qarǵandylyq Darıa Balabanıýk, aqmolalyq Aıym Muhametjanova, qyzylordalyq Saltanat Qypshaqbaı ózara bólisti.
Erler arasynda 55 kelide shymkenttik Arlı Chonteı jeńis tuǵyryna kóterildi. Odan keıingi oryndar Almaty oblysynan Anatolıı Grýbov men Shyǵys Qazaqstan obylsynyń sportshysy Ernaz Alpysovqa buıyrdy.
Eske salsaq, el birinshiligine Nur-Sultan, Almaty, Shymkent qalalary men oblys ortalyqtarynan 220-ǵa jýyq sportshy júldelerdi sarapqa salýda. Jarys 24 sáýirge deıin jalǵaspaq.
