Aýyr atletıkadan Qazaqstan chempıonaty ótedi
QYZYLORDA. QazAqparat - 15-20 aqpan aralyǵynda aýyr atletıkadan 20 jasqa deıingi sportshylar arasynda Qazaqstan Respýblıkasynyń chempıonaty ótedi, dep habarlady QazAqparat tilshisi.
Jarysqa elimizdiń barlyq aımaqtarynan 250-den asa jas atletter qatysady. Erler 8 salmaqta (56, 62, 69, 77, 85, 94, 105, +105 keli), áıelder 8 salmaqta (48, 53, 58, 63, 69, 75, 90, +90 keli) jarys jolyna shyǵady.
Aıta keteıik, osy jarystyń qorytyndysy boıynsha maýsym aıynda Tashkent qalasynda (Ózbekstan) ótetin Álem chempıonatyna óner kórsetetin qurama komanda jasaqtalatyn bolady.
