Aýyr atletıkadan Azııa chempıonatynda qazaqstandyq jastar úshinshi altyn aldy

NUR-SULTAN. QazAqparat - Qazaqstandyq Denıs Polýboıarınov 17 jasqa deıingi jasóspirimder arasynda Azııa chempıony atandy, dep habarlaıdy QazAqparat tilshisi.

Qurlyqtyq dodada ol 81 kelide synǵa tústi. Nátıjesinde qossaıystyń qorytyndysymen 313 keli (140+173) salmaqty baǵyndyrdy.

Derekkózdiń málimetinshe, endi ol 22 shildede 20 jasqa deıingi jastar arasyndaǵy Azııa chempıonatynda baq synaıdy.

Eske salsaq, budan buryn el quramasynan Edige Emberdi (73 keli) pen Álisher Baıbýrov (67 keli) altyn aldy.

Sondaı-aq, Arýjan Dáýletova (71 keli) kúmis medalǵa qol jetkizdi.

Al Erasyl Omarov (55 keli) pen Azamat Tólgen (61 keli) qola júldeger atandy.

Aıta ketsek, qurlyqtyq doda Ózbekstan astanasy Tashkent qalasynda ótip jatyr. Onda 13-17, 15-20 jas aralyǵynda júldeler sarapqa salynady.

Sondyqtan keıbir sportshylar ekeýinde de synǵa túsedi.

Qurlyqtyq dodaǵa uldardan 13, qyzdardan 9 aýyr atlet bardy. Azııa chempıonaty 25 shildede máresine jetedi.

Foto: olympic.kz