Aýyr atletıkadan Azııa chempıonatynda Erasyl Omarov qola medal aldy
NUR-SULTAN. QazAqparat - Qazaqstandyq Erasyl Omarov aýyr atletıkadan jasóspirimder arasyndaǵy Azııa chempıonatynda qola júldeger atandy, dep habarlaıdy QazAqparat tilshisi.
Atalǵan týrnırde 55 kelide synǵa túsken Erasyl Omarov úsh múmkindigin tolyq paıdalandy. Nátıjesinde 104 kelini baǵyndyrdy.
Al julqýda úsh múmkindiktiń bireýin sátti paıdalanyp, 124 keli ziltemirdi tóbesine kóterdi.
Qossaıystyń qorytyndysymen 228 keli salmaqty enshisine jazǵan ol úzdik úshtikti túıindedi.
Aıta ketsek, qurlyqtyq doda Ózbekstan astanasy Tashkent qalasynda ótip jatyr. Onda 13-17, 15-20 jas aralyǵynda júldeler sarapqa salynady.
Sondyqtan keıbir sportshylar ekeýinde de synǵa túsedi.
Qurlyqtyq dodaǵa uldardan 13, qyzdardan 9 aýyr atlet bardy.
Azııa chempıonaty 25 shildede máresine jetedi.
Eske salsaq, budan buryn hokkeıden Prezıdent kýbogyna qatysatyn komandalar azaıǵany habarlandy.
Foto: www.instagram.com/wf_rk
