Aýyr atletıkadan Azııa chempıonaty sáýirdiń sońynda ótedi
ASTANA. QazAqparat - Búgin Norvegııanyń Ferde qalasynda aýyr atletıkadan Eýropa chempıonatynyń sońǵy kúni. Kári qurlyqtaǵy báseke 10 sáýir kúni bastalǵan bolatyn. Áıelder 75 kelige deıingi salmaq boıynsha synǵa tússe, erler arasynda 94 kelige deıingi jeńimpaz ben júldegerler anyqtalatyn bolady.
Búgin, 16 sáýir Eýropa chempıonatynyń sońǵy kúni, Astana ýaqytymen saǵat 15-15-te 105 kelige deıingi erler arasynda kim myqty ekeni aıqyndalmaq. 18-30-da 75 keliden joǵary salmaqtaǵy áıelder kúsh synassa, saǵat 21-00-de 105 keliden joǵary salmaqtaǵy alyptar qurlyq básekesin qorytyndylaıtyn bolady.
Osy oraıda, aıta ketý kerek, sáýir aıynyń sońynda Qazaqstan aýyr atletteri de baq synaıtyn bolady. 2016 jylǵy Azııa chempıonaty 25-i men 30 sáýir aralyǵynda ótedi dep josparlanǵan. Bul málimet Qazaqstannyń Aýyr atletıka federatsııasynyń saıtynda jyldyq kúntizbede atap kórsetilgen. Búgingi tańda aýyr atletıka boıynsha álemniń eń úzdikteri Azııada turady. Bıyl Sary qurlyq básekesi Tashkent qalasynda ótetini belgilengen.
