Aýyr atletıkadan Azııa chempıonaty Nur-Sultannan Tashkentke aýystyryldy
NUR-SULTAN. QazAqparat - Halyqaralyq aýyr atletıka federatsııasy (IWF) Azııa chempıonatyn Nur-Sultannan Tashkentke (Ózbekstan) aýystyrǵanyn málimdedi. Bul týraly uıymnyń resmı saıtynda 17 aqpan kúni resmı aqparat shyqty.
«Koronavırýstyń órshýine qatysty Qazaqstan Respýblıkasynyń úkimeti aýrýdyń taralý qaýpine baılanysty Qytaıdyń kórshi jáne kórshiles elderinen jolaýshylar qozǵalysynyń barlyq túrlerin shektedi. Azııa aýyr atletıka federatsııasynyń (AWF) atqarýshy keńesi jaǵdaıdy shuǵyl túrde talqylap, qurlyqtyq birinshilik ótetin jerdi Qazaqstannan Ózbekstanǵa aýystyrýǵa kelisti», - delingen málimdemede.
Aıta keterligi, Azııa chempıonaty endi 16-25 sáýir kúnderi Tashkent qalasynda ótedi.
