Aýyr atletıkadan Álem chempıonatynyń úshinshi kúni de tartysqa toly bolmaq

Búgin Balýan Sholaq atyndaǵy Sport saraıynda tańǵy saǵat 10:00-da 77 keli salmaq kategorııasy boıynsha erler «D» tobynda, «S» tobynda (12:00), «V» tobynda (16:00) synǵa túsedi.

Al, keshki saǵat 16:00-de 58 keli salmaq sanatynda «V» tobynda, «A» tobynda (19:00) synǵa túsetin áıelder baǵyn synaıdy.

Esterińizge sala keteıik, atalǵan salmaq boıynsha áıelder arasynda qazaqstandyq Sáýle Sadýaqasova jarysqa qatysady dep josparlanǵan bolatyn. Keıin uıymdastyrýshylardyń sheshimimen sportshy jarystan shyǵyp qaldy. Jarystan tys qalǵandardyń ishinde jaqynda jattyǵýlardyń birinde jaraqat alǵan Svetlana Podobedova da bar.

Dúbirli dodanyń eki kúni qazaqstandyq sportshylar úshin nátıjesiz bolǵan joq. Keshe Olımpıada chempıony Zúlfııa Chınshanlo álem chempıony atalyp, óziniń serpe kóterýdegi rekordyn jańartqan bolatyn. Al erler arasynda óner kórsetken 18 jasar Albert Lınder 10-shy orynǵa turaqtady.

Buǵan deıin keshe jarys jolyna shyqqan Arlı Chonteı altynshy orynmen ǵana qanaǵattansa, qyzdar arasynan Margarıta Elıseeva alǵashqy aınalymnan asa almady.

Eske sala keteıik, baıraqty básekede 72 elden 538 sportshy baqtaryn synaýda. Onyń 315-i erler bolsa, 223-i áıelder. Áıelder jeti salmaq dárejesi boıynsha (48, 53, 58, 63, 69, 75, +75 keli) synǵa tússe, erler segiz salmaqta (56, 62, 69, 77, 85, 94, 105, +105) jeńimpazdar men júldegerlerdi anyqtaıtyn bolady. Qazaqstan quramasy bul dodaǵa tolyq quramda qatysyp otyr.