Aýyr atletıkadan álem chempıonatynda Qazaqstannyń áıgili sportshylary synǵa túsedi

Atap aıtqanda, 94 kelige deıingi salmaqta Álem chempıony Jasulan Qydyrbaev baq synaıdy. Sonymen birge osy salmaqta 2013 jylǵy álem chempıonatynyń kúmis júldesiniń ıegeri Almas Óteshov te osy salmaqta óner kórsetedi. Erler arasyndaǵy báseke túngi saǵat 01-00-de bastalady. «Qazaqstan» ulttyq telearnasy tikeleı efırde kórsetedi dep kútilýde.

Sondaı-aq saǵat 03-30-da 69 keli salmaq dárejesi boıynsha áıelder arasynda kimniń myqty ekeni aıqyndalatyn tartysty jarys bastalmaq. Bul dodaǵa da Qazaqstan atynan qos sportshy qatyspaqshy. Olar - London Olımpıadasynyń jeńimpazy, Álemniń eki dúrkin chempıony Maııa Maneza men 2014 jylǵy álem chempıonatynyń kúmis júldegeri Jazıra Japparqul.

Bul jarysty da «Qazaqstan» ulttyq telearnasy tikeleı efırde kórsetetini josparlanǵan.

Atalǵan sportshylarymyzǵa Qazaq eli úlken senim artyp otyr. Aýyr atletterge sáttilik tileımiz.