Aýyr atletıkadan álem chempıonatynda qazaqstandyq «qola» aldy

ASTANA. QazAqparat –Aýyr atletıkadan ótip jatqan álem chempıonatynda qazaqstandyq Alekseı Chýrkın «qola» júlde aldy, dep habarlaıdy QazAqparat Federatsııaǵa silteme jasap.

Aýyr atletıka federatsııasynyń aqparatyna qaraǵanda, 73 kg deıingi salmaqtaǵy sportshylar arasynda jarysqa túsken Alekseı Chýrkın 323 kg nátıjeni (153 kg julqa kóterý jáne 190 kg — serpe kóterý) kórsetti.

Atalǵan salmaqta ındonezııalyq sportshylar Rahmat Abdýlla — 352 (152+200) men Rızkı Djýnıansıahý — 347 (155+192) birinshi jáne ekinshi oryndy bólisti.

Aıta ketsek, aýyr atletıkadan álem chempıonaty Kolýmbııa astanasy - Bogota qalasynda ótip jatyr.

Dúbirli dodada elimizdiń atynan 13 aýyr atlet baq synaıdy.