Aýyr atletıkadan álem chempıonatynda Qazaqstan qorjynyna taǵy bir medal tústi
NUR-SULTAN. QazAqparat – Meksıkanyń Leon qalasynda aýyr atletıkadan jasóspirimder arasynda ótip jatqan álem chempıonatynda Qazaqstan qorjynyna ekinshi medal tústi, dep habarlaıdy QazAqparat tilshisi.
Qazaqstan aýyr atletıkasy federatsııasynan málim etkenindeı, Erasyl Omarov 55 kelige deıingi salmaqta úshinshi orynǵa ıe boldy.
Erasyl qossaıys qorytyndysynda 224 kılogramm (100+124) jınady.
Bul salmaqta úndistandyq Gýrýnaıdý Sanapathı (104+126) álem chempıony atansa, Saýd Arabııasynyń ókili Kalıtıt Alı Madjıt (105+124) kúmis medaldy oljalady.
Eske sala keteıik, budan buryn Qazaqstannyń aýyr atletıkadan alǵashqy medalin jeńip alǵanyn jazǵan bolatynbyz.
Aleksandra Belenko 40 kelige deıingi salmaqta úzdik úshtikke ilikken edi.
