Aýyr atletıkadan álem chempıonatynda Darıa Ahmerova altyn enshiledi
SÝVA. QazAqparat - Darıa Ahmerova aýyr atletıkadan álem chempıonatynda altyn medal jeńip aldy, dep habarlaıdy Sports.kz.
Búgin Sýva qalasynda (Fıdjı) ótip jatqan jastar arasyndaǵy aýyr atletıkadan álem chempıonatynda 87 kelige deıingi salmaq dárejesinde Qazaqstan quramasynyń sońǵy ókili Darıa Ahmerova 236 kelini eńserip, altyn medal jeńip aldy.
Bul - 20 jastaǵy Darıanyń alǵashqy halyqaralyq jarysy. Budan bólek, Darıa julqı kóterýden «kishi» altyn medaldi jáne serpe kóterýden «kishi» altyn medaldy ıelendi.
Keshe Karına Quzǵanbaeva altyn medal jeńip alǵan bolatyn. Sonymen qatar, Karına da «kishi» altyn medaldi julqı kóterýden jáne taǵy bireýin serpe kóterýden ıelendi.
Bunyń aldynda Artem Antropov Qazaqstan quramasynyń qorjynyn bir kúmis medalmen tolyqtyrǵan bolatyn.
Foto: prosports.kz
