Aýyr atletıkadan álem chempıonatynda búgin eki qazaqstandyq shyǵady
NUR-SULTAN. QazAqparat - Grekııada ótip jatqan jasóspirimder arasyndaǵy aýyr atletıkadan álem chempıonatynda búgin eki qazaqstandyq sportshy saıysqa túsedi, dep habarlaıdy QazAqparat tilshisi.
Búgin, 6 mamyrda 73 kelide A tobynda Denıs Polýboıarınov pen Egor Sherer jarys jolyna shyǵady.
Eske salsaq, el quramasynan Alekseı Chýrkın (73 keli) kúmis júldeger atandy. Atalǵan salmaqta taǵy bir qazaqstandyq aýyr atlet Petr Hrebtov besinshi oryn aldy.
Sondaı, qurama sapynda Ekaterına Alıakına (55 keli), Aısamal Sansyzbaeva (87 keli), Klım Basargın (89 keli) jáne Sultan Meıram (96 keli) saıysqa túsedi.
Álem chempıonaty 2-10 mamyr aralyǵynda Grekııanyń Iraklıon qalasynda ótýde. Onda el quramasynan segiz sportshy baq synaýda.
Dúbirli doda 1975 jyldan beri turaqty túrde ótkizilip keledi.
