Aýyr atletıkadan álem chempıonaty: Qazaqstandyqtardyń óner kórsetý kestesi
ASTANA. QazAqparat - Kolýmbııa astanasy Bogota qalasynda ótip jatqan aýyr atletıkadan álem chempıonatynda 12 jeltoqsan kúni qazaqstandyq úsh sportshy jarys jolyna shyǵady, dep habarlaıdy QazAqparat tilshisi.
Elimizdiń aýyr atletıka federatsııasynan málim etkendeı, dúısenbide 89 kelige deıingi salmaqta erler arasynda Asyljan Bektaı men Denıs Ulanov el namysyn qorǵaıdy. Aýyr atletter V tobynda elorda ýaqytymen 01.00-de saıysqa túsedi.
Al elorda ýaqytymen 03.30-da A tobynda erler arasynda Elaman Seıitqazy 81 keli salmaqta baq synaıdy.
Qazaqstandyq sportshylardyń óner kórsetý kestesi (astana ýaqyty):
13 jeltoqsan, seısenbi
01.00. Erler. 96 keli. V toby. Álisher Seıitqazy
03.30 Erler. 96 keli. A toby. Nurǵısa Ádiletuly
14 jeltoqsan, sársenbi
01.00 Áıelder. 76 keli. V toby. Araı Nurlybekova
06.00. Erler 102 kelige deıin (A toby) Artem Antropov
14 jeltoqsan, sársenbi
22.30. Áıelder, 81 keli. S toby. Aısha Omarova
22.30. Áıelder. 87 keli. V toby. Aıym Esjanova
15 jeltoqsan, beısenbi
22.30 Áıelder. 87keliden joǵary. V toby. Lıýbov Kovalchýk
Oıyndardy Qazsport telearnasy tikeleı efırden kórsetedi.
Aıta keteıik, el quramasynan 10 jeltoqsanda Alekseı Chýrkın 73 keli salmaqta úshinshi oryn alǵan bolatyn.
Jalpy Qazaqstan atynan álem chempıonatyna 13 sportshy attandy. Ázirge olardyń arasynan Alekseı Chýrkınnen ózge Arlı Chonteı (55 keli) tórtinshi oryndy mise tutsa, Anatolıı Savelev (67 keli) segizinshi oryn aldy.
