Aýyr atletıkadan ÁCh: Jazıra Japparqul kúmis medaldi qanaǵat tutty
ASTANA. QazAqparat - AQSh-tyń Hıýston qalasynda ótip jatqan Aýyr atletıkadan álem chempıonatynda 69 kelige deıingi salmaq sanatyndaǵy áıelder arasyndaǵy jarys óz máresine jetti.
Bul jarysqa elimizdiń atynan eki sportshy qatysqan bolatyn. Jazıra Japparqul julqa kóterý saıysynda 116 kelini baǵyndyryp, tórtinshi orynǵa taban birese, Maııa Maneza nebári 100 kelini ǵana baǵyndyra aldy. Al ekinshi serpe kóterý saıysynda Jazıra - 140 keli, Maııa - 135 keli kóterdi. Qos saıystyń nátıjesinde 256 upaı jınaǵan Jazıra álem chempıonatynyń kúmis júldegeri atansa, 235 kelini baǵyndyrǵan Maııa úzdik ondyqqa ilikti. Álem chempıony ataǵy eki saıysta 263 keli kótergen qytaılyq Sıan ıAnmeıge buıyrsa, reseılik Anastasııa Romanova qola medaldi qanaǵat tutty.
