Aýyr atletıkadan ÁCh: Farhad Harkı «V» tobynda ekinshi boldy
ASTANA. QazAqparat - Ashhabadta aýyr atletıkadan álem chempıonaty jalǵasyp jatyr. Senbi, 3 qarashada 67 kelige deıingi salmaq dárejesinde V tobynda erler arasynda jarys ótti. Qazaqstandyq Farhad Harkı ekinshi oryn aldy, dep habarlaıdy Olympic.kz.
Aýyr atlet úsh ret «julqa kóterý» jáne «serpe kóterý» jattyǵýlarynyń barlyǵyn taza oryndady. Harkı julqa kóterýden 133 kelini eńserdi. Sportshy serpe kóterýden 175 kelini baǵyndyrdy. Bul kórsetkish - V tobyndaǵy 10 qatysýshynyń ishindegi eń úzdik nátıje. Ziltemirshi barlyǵy 308 kelini eńserip, ázirge ekinshi orynda turaqtap tur. Goga Chheıdzeniń kórsetkishi odan úsh kelige artyq.
Harkı ÁCh medaline úmitker. Eger A tobynda nátıjeler qazaqstandyq sportshynyń kórsetkishinen az bolsa, ol júldegerler qatarynan kórinip qalýy múmkin. 67 kelige deıingi salmaq dárejesindegi aqtyq jarys 4 qarashada ótedi.
Aıta keteıik, Farhad Harkı - 2016 jylǵy Olımpıada oıyndarynyń qola júldegeri.
