Aýyr atletıkadan 5 mamyrda Azııa chempıonaty bastalady
ASTANA. QazAqparat - Ońtústik Koreıanyń Chındjý qalasynda 5 mamyrda aýyr atletıkadan Azııa chempıonaty bastalady, dep habarlaıdy QazAqparat tilshisi.
Qurlyqtyq dodaǵa 38 elden sportshylar qatysady. Olardyń arasynda Qazaqstan quramasy barlyq salmaq dárejesinde baq synaıdy.
Azııa chempıonatynda 2024 jylǵy Parıj Olımpıadasynyń alǵashqy upaılary sarapqa salynady. Qurama sapynda tájirıbeli Arlı Chonteı, Alekseı Chýrkın, Asyljan Bektaı jáne Rıo Olımpıadasynyń júldegeri Karına Gorıcheva sekildi sportshylar bar.
El quramasynda medaldar úshin básekege túsetin 20 aýyr atlet bar.
Azııa chempıonatyna qatysatyn qazaqstandyq sportshylar:
Chonteı Arlı (55 keli)
Álıev Ótepbergen (61 keli)
Savelev Anatolıı (67 keli)
Chýrkın Alekseı (73 keli)
Seıitqazy Elaman (81 keli)
Bektaı Asyljan (89 keli)
Petrovıch Sergeı (89 keli)
Ádiletuly Nurǵısa (102 keli)
Antropov Artem (102 keli)
Samarqanov Andas (109 keli)
Ábdiqalyqova Aınur (45 keli)
Alıakına Ekaterına (55 keli)
Kolıýshko Alına (59 keli)
Gorıcheva Karına (64 keli)
Nurlybekova Araı (76 keli)
Omarova Aısha (81 keli)
Esjanova Aıym (81 keli)
Qypshaqbaı Dınara (87 keli)
Sansyzbaeva Aısamal (87 keliden joǵary)
Kovalchýk Lıýbov (87 keliden joǵary)
El quramasy sapynan alǵash bolyp jarys jolyna 45 keli salmaq dárejesinde Aınur Ábdihalyqova shyǵady. Al erler arasynda 55 kelide Arlı Chonteı synǵa túsedi.
Eske salsaq, aýyr atletıkadan jasóspirimder arasyndaǵy álem chempıonatynda Qazaqstan medaldar sany boıynsha 1-oryn aldy.
