Aýyr atletıka: Ulttyq qurama oqý-jattyǵý jıynyn bastady
NUR-SULTAN. QazAqparat - Aýyr atletıkadan Qazaqstan quramasy oqý-jattyǵý jıynyn bastap ketti, dep habarlaıdy QazAqparat tilshisi.
Bul jóninde elimizdiń aýyr atletıka federatsııasy málim etti . Federatsııanyń habarlaýynsha, aýyr atletter karantın talabyna baılanysty synama jumystaryn oıdaǵydaı tapsyrǵan. Olardyń tolyqqandy daıyndyq sharalaryn júrgizýine bolady.
Talap boıynsha oqý-jattyǵý jıynyna 30-ǵa jýyq adam qatysa alady. Bul tizimde bapkerler quramy men ózge de mamandar bar. Sondyqtan sportshylardyń kóbi jeke jattyǵý jumysyn jasaýǵa mán berip otyr.
Jıynǵa Abylaı Áýelhanov, Saıramkez Akmolda, Igor Son, Arlı Chonteı, Saıhan Taısýev, Anatolıı Savelev, Esengeldi Sápı, Nıjat Rahımov, Alekseı Drozdov, Nurǵısa Ádiletuly, Artem Antropov, Rahat Bekbolat shaqyrý aldy.
Sondaı-aq bul tizimde Andos Samarqanov, Gúlnur Ybyraı, Darıa Pavlova, Karına Kýzǵanbaeva, Ekaterına Bykova, Raýshan Meshithanova, Aısamal Sansyzbaeva, Aızada Mýptılda bar.
Eske sala keteıik, buǵan deıin aýyr atletıkadan ulttyq quramanyń bas bapkeri aýysqan bolatyn.
