Aýyr atletıka: Olımpıada chempıondary Astanaǵa keledi

Ár memlekettiń týy astynda óner kórsetetin sportshylardyń tizimine kóz júgirtsek, komandalyq eseptegi bas júlde úshin talastyń óte tartysty ótetini esh kúmán týǵyzbaıdy. Búgingi tańda Qytaı men Qazaq­stan sary qurlyqtyń teńdessiz komanda­­lary sanalǵanymen, Astanadaǵy dodada olar ekinshi quramda óner kórsetýdi qup kó­rip otyr. Óıtkeni aýyr atletıka álemin­de­gi kóshbasshy qos memleket ózderiniń ne­gizgi kúshin bıylǵy jyldyń kúzinde Polshada ótetin álem chempıonatyna jumyldyrýda. Esesine, Soltústik Koreıa Azııa chempıonatyna kil myqtylaryn ákeldi. Solardyń arasynda Olımpıa­da oıyndarynyń jeńimpazdary - Om ıÝn Chol (56 keli), Kım Ýn Gýk (62 keli) jáne Rım En Sım (69 keli) syndy juldyz­dar bar. Osy úsh sportshynyń orasan zor tabysynyń arqasynda atalmysh mem­lekettiń ziltemirshileri Londondaǵy jarystyń jalpy esebinde úshinshi orynǵa taban tiregen bolatyn. Este­rińizge sala keteıik, bul salmaqtarda Qazaq eli namysyn Arlı Chonteı, Farhad Harkı jáne Anna Nurmu­hambetova qorǵaıdy. Árıne, ǵalamdyq dodada aldyna jan salmaǵan sport­shylarmen ıyq tiresý ońaı bolmaıdy. Alaıda jerlesterimiz de osaldar sa­natynan emes. Jáne de Qa­zaqstan quramasynyń osy jarysqa esh alańsyz daıarlanýyna Aýyr atletıka federatsııasy, Sportty jekpe-jek jáne kúsh qoldanyla­tyn sport túrleri konfederatsııasy, Sport jáne deneshynyqtyrý isteri agenttigi, «QazMunaıGaz» ulttyq kompanııasy, «Samuryq-Qazyna» ulttyq ál-aýqat qory barynsha qoldaý kórsetkenin eskere ketken jón.

Joǵarydaǵy derekterge qarap, komandalyq eseptiń bas júldesinen Qytaı ońaılyqpen bas tartady degen oı týyndamaýy kerek. Azııa chempıo­nattarynda olar bul kúnge deıin eshkimge ese jibergen emes. Tipten basty qar­sy­lastarynyń jerinde ótken jarys­tardyń ózinde Aspanasty eli óren­deriniń ústemdigi esh kúmán týǵyzǵan joq. Qytaılar qandaı quramda kelse de, olardyń kózdegeni - altyn tuǵyr.

Azııadaǵy alpaýyttardyń biri - Iran quramasynyń da áleýeti óte zor. Bul elde áıelder aýyr atletıkamen aınalyspaıdy. Sondyqtan da olar jigitterge senim artady. Al Parsy eliniń erleri óte myqty ekenin maıtalman mamandardan bastap, qatardaǵy kó­rermenderge deıin biledi. Sol sekildi Ońtústik Koreıa men Taılandtyń da quramynda talaı baıraqty básekeler­de oza shapqan sheber ziltemirshiler jeterlik, dep jazady «Alaman».