Aýyr atletıka: Qazaqstandyq Katar týrnırinde júldeger atandy
ASTANA.QazAqparat - Qazaqstandyq Raýshan Meshithanova aýyr atletıkadan márege jetken Katar kýbogy týrnırinde kúmis júldeger atandy, dep habarlaıdy QazAqparat.
QR Ulttyq olımpıada komıteti habarlaǵanyndaı, Raýshan 2020 jylǵy Tokıo Olımpıadasy qarsańynda lıtsenzııalyq týrnırlerdiń biri bolyp tabylatyn atalmysh jarysta 87 keli salmaqtasynǵa tústi.
Qazaqstandyq atlet julqa kóterýden 100 kelini kóterip, jeńimpaz atandy. Serpe kóterýden 115 kelini baǵyndyryp, ekinshi orynǵa kóterildi. Qos saıys qorytyndysynda 215 kelini eńsergen qazaq qyzy týrnırde úzdik shyqqan vengrııalyq atletten 1 kelige ǵana qalyp qoıdy.
Eske sala keteıik, buǵan deıin Qazaqstan quramasynan Igor Son kúmis, Olımpıada chempıony Nıjat Rahımov qola oljalasa, Ilıa Ilın jarys jolyna shyqqan joq.
