Aýyr atletıka: Katar kýbogy qorytyndylandy
STANA. QazAqparat - Dohada aýyr atletıkadan Katar kýbogy aıaqtaldy. Qazaqstan komandasy úsh medal jeńip aldy, dep habarlaıdy QazAqparat Olympic.kz saıtyna silteme jasap.
Bul týrnır lıtsenzııalyq bolyp sanalady. Jınalǵan upaılar Olımpıadaǵa joldamalar sarapqa salynatyn kezde esepke alynady.
Qazaqstannyń atynan jarysqa Arlı Chonteı (61 kelige deıin), Igor Son (61 kelige deıin), Farhad Harkı (67 kelige deıin), Nıjat Rahımov (73 kelige deıin), Aıdar Kazov (81 kelige deıin), Rústem Sybaı (96 kelige deıin), Ilıa Ilın (109 kelige deıin), Karına Gorıcheva (64 kelige deıin) jáne Raýshan Meshithanova (87 kelige deıin) qatysty.
Qazaqstandyq atletter úlken jeńisterge jete alǵan joq. Sondaı-aq, tórt dúrkin álem chempıony Ilıa Ilın jarys jolyna shyǵa almaı qaldy. Sportshy arqasynyń zaqymyna baılanysty «julqı kóterýge» shyǵa almady.
Jarystyń qorytyndysy boıynsha komandanyń aktıvinde úsh medal - eki kúmis jáne bir qola bar. Son men Meshithanov kúmis júldeni ıelense, Rahymov qola júlde aldy.
