Aýyr atletıka: Ilıa Ilın Katarda júldesiz qaldy
NUR-SULTAN. QazAqparat – Dohada aýyr atletıkadan Katar kýbogy jarysy márege jetti, dep habarlaıdy QazAqparat tilshisi.
Lıtsenzııalyq bul dodada Qazaqstannan barlyǵy jeti atlet óner kórsetti.
Ilıa Ilın 96 kelige deıingi salmaqta synǵa túsip, qossaıys qorytyndysynda besinshi oryndy qanaǵat tutty.
Taǵy bir qazaqstandyq Ibragım Bersanov 109 kelige deıingi salmaqta júldege qol sozym jerden toqtap, tórtinshi orynǵa ıe boldy.
Eske sala keteıik, biz buǵan deıin Igor Sonnyń Katardaǵy týrnırde jeńimpaz atanǵanyn, al Raýshan Meshithanovanyń úzdik tórttikke ilikkenin jazǵan bolatynbyz.
Osylaısha Qazaqstan quramasy olımpıadaǵa irikteý saıystarynyń biri sanalatyn, reıtıngtik upaılar beriletin týrnırde jalǵyz medalmen shekteldi.
