Aýyr atletıka: Ilıa Ilın Katar kýbogyna qatysady
NUR-SULTAN. QazAqparat - Aýyr atletıkadan Qazaqstan quramasy Katar kýbogy týrnırine qatysady. Atalmysh týrnırde 2020 jylǵy Tokıo Olımpıadasyna joldama beriledi, dep habarlaıdy QazAqparat tilshisi.
Katar kýbogynda olımpıadalyq salmaq dárejesinde júldeler úlestiriledi. Oǵan qazaqstandyq qurama músheleri tolyq quramda bara almaıdy. Dúbirli dodada elimizdiń atynan baq synaıtyn sportshylar qatarynda tórt dúrkin álem chempıony Ilıa Ilın 96 kelide jarys jolyna shyǵady. Al 61 kelide Igor Son, 81 kelide Nıjat Rahımov pen Denıs Ýlanov, 109 kelide Ibragım Bersanov jarys kórigin qyzdyrady. Atalmysh týrnırde qyzdar arasynan Ekaterına Bykova (76 keli) jáne Raýshan Meshithanova (87 keli) baq synaıdy.
Katar kýbogy 19-24 jeltoqsan aralyǵynda ótkiziledi.
