Aýyr atletıka: Igor Son Katardaǵy týrnırde jeńimpaz atandy
NUR-SULTAN. QazAqparat – Dohada aýyr atletıkadan ótip jatqan Katar kýbogy jarysynda Qazaqstan quramasy alǵashqy medaldi jeńip aldy, dep habarlaıdy QazAqparat tilshisi.
Ulttyq olımpıada komıteti málim etkenindeı, bul týrnır lıtsenzııalyq bolyp tabylady.
Igor Son 61 kelige deıin salmaqta úzdik nátıje kórsetti.
Ol qossaıys qorytyndysynda 278 kg (124+154) kóterip, chempıon atandy.
Túrikmenstandyq Seııtjan Mırzaev (270 kg) ekinshi, ıtalııalyq Rýı Davıde (270 kg) úshinshi orynǵa ıe boldy.
I.Son bıylǵy álem chempıonatynda 55 kelige deıingi salmaqta óner kórsetip, 266 kg nátıjemen kúmis júldeger atanǵan bolatyn.
Qazaqstan aýyr atletıka federatsııasynan alynǵan málimetke qaraǵanda, Katar kýbogynda I.Sonnan basqa taǵy alty qazaqstandyq atlet básekege túsedi. Olar – Denıs Ýlanov pen Nıjat Rahımov (ekeýi de – 81 kg), Ilıa Ilın (96 kg), Ibragım Bersanov (109 kg), Ekaterına Bykova (76 kg) jáne Raýshan Meshithanova (87 kg).
Bul – aýyr atletter úshin bıylǵy sońǵy týrnır.
Aıta keteıik, dopıngke baılanysty belgili oqıǵalardan keıin Qazaqstan quramasy Tokıo olımpıadasyna eki-aq (bireýi erler, ekinshisi áıelder arasynda) joldamaǵa ıe bola alady. ıAǵnı quramadan eń úzdik qos atletke ǵana múmkindik beriledi.
