Aýyr atletıka federatsııasy ulttyq qurama múshelerine kómek kórsetti
NUR-SULTAN. QazAqparat – Aýyr atletıka federatsııasy aýyr atletıkadan ulttyq qurama múshelerine kómek kórsetti, dep habarlaıdy QazAqparat federatsııanyń baspasóz qyzmetine silteme jasap.
Ulttyq qurama múshelerin dári-dármektermen jáne jeke qorǵanys quraldarymen qamtamasyz etti. Dári-dármekter arasynda vırýstyq aýrýlardyń aldyn alatyn «tsıkloferon», dárýmeni (tsınk, C, «detrımaks»), jattyqtyrýshylar men sport ardagerleri úshin «ksarelto» antıkoagýlıanty, sondaı-aq qolǵap men maska bar.
Sondaı-aq, aýyr atletıka ardagerleri de atalǵan dári-dármektermen qamtamasyz etiledi. Bul zattar Almaty oblysyna (Taldyqorǵan, Tekeli, Úshtóbe), Qaraǵandyǵa, Qyzylordaǵa. Shymkent pen Túrkistan oblysyna, Aqmola oblysyna (Kókshetaý men Stepnogorsk), sondaı-aq Shyǵys Qazaqstan oblysyna (Óskemen, Semeı, Zyrıan) jóneltildi. Karantın kezinde komandany qoldaý maqsatynda ulttyq qurama múshelerine bir rettik materıaldyq kómek tólenedi.
