Aýyr atletıka: Azııa chempıonatynan altyn buıyrmaı tur
ASTANA. 23 maýsym. QazAqparat - Astana qalasynda ótip jatqan aýyr atletıkadan Azııa chempıonatynyń ekinshi kúni qorjynymyzǵa júlde túspedi.
Pavlov ta, Balhaev ta júldege ilinbedi. Áıelder arasynda Karına Gorıcheva synǵa túsken bolatyn, biraq nátıjesi kóńilden shyqpady, dep jazady "Alaman".
Azııa chempıonatynda 77 keli salmaqta synǵa túsken Kırıll Pavlov tórtinshi oryn aldy. Qos saıystyń qorytyndysy boıynsha 346 kelini kóterdi. Bul salmaqta altyndy ırandyq aýyr atletshi Rasýl Takhııanı alsa (366 kg), kúmisti qytaılyq sportshy Jang Goýshın enshiledi (356kg) . Qola júldeni Soltústik Koreıa eliniń azamaty Eım Kvang Song ıelendi.
Karına Gorıcheva aýyr atletıkadan ótip jatqan Azııa chempıonatynda sońǵy orynǵa ornyqty. Birinshi oryndy Lın Zý Chı, ekinshi oryndy soltústik koreıalyq Cho Pok Hýang alsa, úzdik úshtikti qytaılyq sportshy Vý Lııang túıindedi.
Elordada ótip jatqan Azııa chempıonatynda erler arasynda bolǵan 63 keli salmaqta Álibek Balhaev jetinshi orynnan kórindi. Atalǵan salmaqta on bir aýyr atletshi synǵa túsken bolatyn. Álibektiń jalpy kórsetkishi 293 kelini qurady. Bul salmaqta ırandyq aýyr atletshi Jaber Berýzı altyn aldy. Kúmisti ındonezııalyq Arıan Ketýtý, qolany Pank Chıer Hýngý enshiledi.
