Aýyr atletıka: Alash eli altynshy orynda
ASTANA. 28 qazan. QazAqparat -Polshanyń Vrotslav qalasynda aýyr atletıkadan álem chempıonaty óz máresine jetti. Negizi jastardan jasaqtalǵan ulttyq quramamyz 1 kúmis, 1 qola ıelenip jalpykomandalyq altynshy oryndy Ázirbaıjan quramasymen bólisti.
Birinshiliktiń jeńimpazy Reseı, ekinshi satyda «áliptiń artyn baqqan» Qytaı, al úshinshi Soltústik Koreıa. Ózbekstan komandasy kishigirim «sensatsııa» qyldy, 1 altyn jáne 1 qola enshilegen ala shapandy kórshilerimiz jalpy esepte tórtinshi. Jalqy altynnyń jalyna jarmasqan Taıvan bestikke ilindi.
Aýyr atletıkadan 2014 jylǵy álem chempıonaty elordamyz Astanada ótedi. Atalmysh dodada Rıo-de-Janeıro olımpıadasynyń alǵashqy joldamalary sarapqa salynady. Bul týraly alaman.kz habarlady.
