Aýyr atlet Sáýle Sádýaqasova Fýchjoýda qola medal jeńip aldy
ASTANA. QazAqparat - Qazaqstandyq sportshy Sáýle Sádýaqasova (63 keli) 21-23 qyrkúıek aralyǵynda Qytaıdyń Fýchjoý qalasynda ótip jatqan Halyqaralyq aýyr atletıka federatsııasynyń Gran-prıinde qola medaldi jeńip aldy.
Qossaıys boıynsha bizdiń sportshymyz 208 keli kóterdi. Julqa kóterýde Sáýle 90 kelini ońaı kóterdi, alaıda onyń salmaqty 95 kelige deıin kóterýdiń eki talpynysynan nátıje shyqpady. Esesine otandasymyz serpe kóterýdiń úsh múmkindigin de tabysty paıdalana alady. Úzdik nátıjesi - 118 keli, dep habarlady Qazaqstan aýyr atletıkasy federatsııasynyń baspasóz qyzmetinen.
Birinshi oryndy Qytaı sportshysy Chen Gýmın (Chen Guiming) (235 keli) jeńip alsa, ekinshi oryndy reseılik Natalıa Hlestkına (220 keli) ıelendi.
