Aýyr atlet Raýshan Meshithanova Azııa chempıonatynda qola júldeger atandy
NUR-SULTAN. QazAqparat - Qazaqstandyq sportshy Raýshan Meshithanova Qytaıdyń Nınbo qalasynda ótip jatqan aýyr atletıkadan Azııa chempıonatynda qola júldeger atandy, dep habarlaıdy QazAqparat tilshisi.
Raýshan Meshithanova 81 kelige deıingi salmaqta synǵa tústi. Ol qossaıystyń nátıjesimen 205 kelini baǵyndyrdy. Aıta keterligi, ol serpýde óz salmaǵynda eń úzdik kórsetkishke qol jetkizgen edi.
Búgingi kúnge deıin Qazaqstan quramasy qorjynyna úsh medal tústi. Azııa chempıonatynda Arlı Chonteı (55 keli) men Denıs Ýlanov (81 keli) ta úshinshi oryn alǵan bolatyn.
Sondaı-aq, buǵan deıin Zýlfııa Chıshanlo (55 keli), Karına Gorıcheva (64 keli) jáne Ilıa Ilın (96 keli) medalden qur qaldy. Al 2016 jylǵy Olımpıada chempıony Nıjat Rahımov (89 keli) alǵan jaraqatyna baılanysty jarysqa qatysqan joq.
Azııa chempıonaty 28 sáýirde máresine jetedi. Dúbirli dodada 2020 jylǵy Olımpıadaǵa joldamalar beriledi.
